રાજ્યની શિક્ષણ વ્યવસ્થા દિનપ્રતિદિન કથળી રહી છે. કેન્દ્ર સરકારના નીતિ આયોગ દ્વારા જાહેર કરાયેલા અહેવાલમાં 2018માં ગુજરાત ફ્રન્ટ રનર એટલે કે હાઇ પર્ફોર્મિંગ રાજ્ય તરીકે હતુ તે વર્ષ 2024માં 18માં ક્રમે એટલે કે પર્ફોર્મિંગ રાજ્ય તરીકેની ગણતરીમાં આવી ગયું છે. રાજ્યના માત્ર 24 ટકા વિદ્યાર્થીઓ કોલેજ કે સ્નાતક કક્ષામાં પ્રવેશ મેળવી રહ્યા છે.ગુજરાત મોડેલના નામે સમગ્ર દેશમાં ગુલબાંગો પોકનારી ગુજરાતની ભાજપની સરકાર શિક્ષણ ક્ષેત્રે સંપૂર્ણ નિષ્ફળ રહી છે. કેન્દ્ર સરકારના નીતિ આયોગમાં કરાયેલી જોગવાઇઓ અંગે પ્રતિભાવ આપતાં ગુજરાત કોંગ્રેસ સમિતિના પ્રવક્તા પાર્થિવ કઠવાડિયાએ આજે નીતિઆયોગે જાહેર કરેલી આંકડાકીય વિગતોને સરકાર પર આક્ષેપો કર્યા હતા. કેન્દ્ર સરકારના નીતિ આયોગના અહેવાલ પ્રમાણે ગુજરાત રાજ્ય 18માં ક્રમે છે.નીતિ આયોગનો સસ્ટેનેબલ ડેવલપમેન્ટ ગ્રોથ ઇન્ડિયા ઇન્ડેક્સ 2023-24નો અહેવાલ જ ગુજરાત સરકારની પોલ ખોલી રહ્યો છે. વર્ષ 2018માં ગુજરાત ફ્રન્ટ રનર એટલે કે હાઇ પર્ફોર્મિંગ રાજ્ય ગણવામાં આવ્યું હતુ. હવે પર્ફોર્મિંગ રાજ્યમાં આવી ગયું છે. રાજ્યના સેકન્ડરી શિક્ષણ કક્ષામાં ડ્રોપ આઉટનો રેશિયો 17.9 ટકા છે, જે દેશની સરેરાશ 12.6 ટકા જેટલો છે. હાયર સેકન્ડરી શિક્ષણ વ્યવસ્થા એટલે કે ધો.11-12માં ગ્રોસ એનરોલમેન્ટ માત્ર 48.2 ટકા છે. ગુજરાતમાં હાયર એજ્યુકેશન એટલે કે સ્નાતક કક્ષાએ એનરોલમેન્ટ માત્ર 24 ટકા છે. સૌથી મહત્વની વાત એ કે, ગુજરાતમાં શિક્ષક-વિદ્યાર્થીઓનો રેશિયો 29-1 એટલે કે 29 વિદ્યાર્થીદીઠ એક શિક્ષક છે. રાષ્ટ્રીય કક્ષાએ સરેરાશ ગણતરી કરીએ 18 વિદ્યાર્થીદીઠ એક શિક્ષક છે. એટલે કે દેશમાં જે સરેરાશ રેશિયો છે તે પ્રમાણે પણ ગુજરાતમાં વ્યવસ્થા નથી. આમ, કેન્દ્ર સરકારના નીતિઆયોગના આંકડા જ દર્શાવે છે કે, ગુજરાતમાં શિક્ષણ વ્યવસ્થા ખાડે ગઇ છે. સરકારને માત્ર ખાનગીકરણ અને વ્યાપારમાં જ રસ છે. રાજ્યમાં જેટલા બાળકો જન્મે છે તે પૈકી 11 ટકા બાળકો શાળામાં પ્રવેશ જ મેળવતાં નથી. જે બાળકો સ્કૂલમાં પ્રવેશ મેળવે છે તેમાંથી માત્ર 24 ટકા જ સ્નાતક અને અનુસ્નાતક કક્ષામાં પ્રવેશ લેતાં હોય છે.
સસ્ટેનેબલ ડેવલપેમેન્ટ ગ્રોથ(SDG) રાજ્ય દેશ
ડ્રોપ આઉટ રેશિયો ધો.9-10 17.9 12.6
ગ્રોસ એનરોલમેન્ટ ધો.11-12 48.2 57.6
ગ્રોસ એનરોલમેન્ટ (કોલેજ) 24 28.4
No comments:
Post a Comment